بہاولنگر: بیوی نے شوہر پر تیز دھار آلے سے حملہ کردیا

پنجاب کے شہر بہاولنگر میں گھریلو جھگڑے کے بعد بیوی نے شوہر پر تیز دھار آلے سے حملہ کردیا، جس کے باعث وہ شدید زخمی ہوگیا۔

پولیس کا کہنا ہےکہ شوہر کے چہرے اور جسم کے مختلف حصوں پر زخم آئے، جسے اسپتال منتقل کردیا گیا۔

پولیس کا کہنا ہے کہ تھانہ تخت محل میں خاوند کی رپورٹ پر واقعے کا مقدمہ درج کر لیا گیا۔

ایف آئی آر کے مطابق خاتون نے شاہد علی سے ایک سال قبل شادی کی تھی، میاں بیوی کے درمیان اکثر گھریلو جھگڑا رہتا تھا۔

پولیس کا کہنا ہے کہ خاتون کی گرفتاری اب تک عمل میں نہیں آئی ہے۔

اہلخانہ کا کہنا ہے کہ شوہر پر حملہ کرنے والی خاتون تین بچوں کی ماں ہے اور پسند سے دوسری شادی کی تھی۔