فرمان الہی
نماز کے اوقات
پاکستان سپر لیگ (پی ایس ایل) سیزن 7 میں سنسنی خیز مقابلوں کا سلسلہ جاری ہے، ایونٹ میں آج دو میچز کھیلے جائیں گے۔
آج کھیلے جانے والے پہلے میچ میں کوئٹہ گلیڈی ایٹرز کا مقابلہ کراچی کنگز سے ہوگا، میچ پاکستانی وقت کے مطابق دوپہر 2:30 بجے شروع ہوگا۔
دوسرے میچ میں اسلام آباد یونائیٹڈ اور دفاعی چیمپئن ملتان سلطانز اِن ایکشن ہوں گے، دونوں ٹیموں کے درمیان کھیلے جانے والا میچ ساڑھے 7 بجے شروع ہوگا۔
ایچ بی ایل پی ایس ایل میں اب تک کھیلے گئے میچز میں ملتان سلطانز 8 میچز جیتنے کے بعد 16 پوائنٹس کے ساتھ سرفہرست ہے۔
لاہور قلندرز 8 میچوں میں 6 فتوحات کے ساتھ دوسرے نمبر پر ہے جبکہ پشاور زلمی 10 پوائنٹس کے ساتھ تیسرے اور اسلام آباد یونائیٹڈ 8 پوائنٹس کے ساتھ چوتھے نمبر پر ہے۔
کوئٹہ گلیڈی ایٹرز پوائنٹس ٹیبل پر پانچویں نمبر پر ہے اس نے اب تک 3 میچز جیتے ہیں جبکہ کراچی کنگز 2 پوائنٹس کے ساتھ ٹیبل پر آخری نمبر پر ہے۔
اسلام آباد یونائیٹڈ کو لیگ کے اگلے مرحلے میں جگہ پکی کرنے کے لیے ایک میچ جیتنا ضروری ہے، جبکہ کراچی کنگز ایونٹ سے پہلے ہی باہر ہو گئی ہے۔
ملتان سلطانز، لاہور قلندرز اور پشاور زلمی نے پہلے ہی پلے آف کے لیے کوالیفائی کرلیا ہے۔
واضح رہے کہ گزشتہ روز کھیلے گئے میچ میں لاہور قلندرز نے اسلام آباد یونائیٹڈ کو 66 رنز سے شکست دی تھی۔
