عوامی مارچ: بلاول نے ’ملتان کا فیصلہ‘ سُنا دیا

پاکستان پیپلز پارٹی کے چیئرمین بلاول بھٹو زرداری نے ملتان کے عوام کا فیصلہ سُنا دیا۔

بلاول بھٹو زرداری نے اپنے تصدیق شدہ ٹوئٹر اکاؤنٹ پر ملتان میں جاری پیپلز پارٹی کی عوامی مارچ کی چند تصویری جھلکیاں شیئر کی ہیں۔

ٹوئٹر پر شیئر کی گئی تصاویر میں دِکھایا گیا ہے کہ ملتان کے عوام کی بڑی تعداد نے پیپلز پارٹی کی عوامی مارچ میں جوش و خروش کے ساتھ شرکت کی۔

تصاویر میں چیئرمین پی پی بلاول بھٹو زرداری کو خطاب کرتے ہوئے بھی دیکھا جاسکتا ہے۔

بلاول بھٹو نے اپنے ٹوئٹ میں لکھا کہ ’ملتان کا فیصلہ، گو سلیکٹڈ گو، نو سلیکٹڈ نو۔‘

ملتان! وعدہ پورا کرنے کا وقت آگیا ہے: آصفہ بھٹو زرداری

سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو نے ملتان کے عوام کو اُن کا وعدہ یاد کروادیا۔

واضح رہے کہ پاکستان کے مختلف شہروں میں پیپلزپارٹی کا عوامی مارچ جاری ہے، صوبہ سندھ کے بعد یہ مارچ اب پنجاب میں داخل ہوگیا ہے۔