فرمان الہی
نماز کے اوقات
پاکستان مسلم لیگ (ن) کی ترجمان مریم اورنگزیب کا کہنا ہے کہ ہماری نمبرز گیم ہماری تحریک عدم اعتماد جمع کروانے سے پہلے ہی پوری تھی، تحریک عدم اعتماد والے دن انہیں پارلیمنٹ جانے کی ضرورت نہیں پڑے گی۔
اسلام آباد میں میڈیا سے گفتگو کرتے ہوئے مریم اورنگزیب نے کہا کہ آج شہباز شریف نے مسلم لیگ (ن) کی پارلیمانی پارٹی کا اجلاس بلایا، عشائیہ میں مسلم لیگ ن کے 84 ارکان شریک ہوئے۔
مریم اورنگزیب نے کہا کہ مسلم لیگ (ن) اپوزیشن سے مل کر تحریک عدم اعتماد کامیاب بنائے گی۔
ترجمان مسلم لیگ (ن) نے کہا کہ عمران خان کی تقریر سے عیاں ہے وہ گھر جانے والے ہیں۔
انہوں نے بتایا کہ پارلیمانی پارٹی نے قومی اسمبلی اجلاس فوری بلانے کا کہا ہے۔
مریم اورنگزیب کا کہنا تھا کہ آرٹیکل 63 میں پارلیمنٹ جانے والے کو نااہل کرنے کا نہیں لکھا، ارکان کے اپنا اختیار استعمال کرنے کے بعد ان کے خلاف کارروائی ہوسکتی ہے۔
