• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوکرینی صدر کی زخمی فوجیوں کے ساتھ سیلفیز وائرل

تازہ ترین
بین الاقوامی خبریں
14 مارچ ، 2022


یوکرین کے صدر ولادیمیر زیلنسکی نے دارالحکومت کیف میں قائم ایک ملٹری اسپتال کا دورہ کیا اور روسی حملوں کے جواب میں زخمی ہونے والے فوجیوں سے ملاقات کی۔

 صدر زیلنسکی نے جنگ میں ہلاک ہونے والے فوجیوں کو تمغہ اعزاز بھی دینے کا اعلان کیا اور انہیں ’یوکرین کے ہیرو‘ قرار دیا۔

ایک رپورٹ کے مطابق  سینئر لیفٹیننٹ ہتسول وولوڈیمیر اولیسکسندروچ ان فوجیوں میں سے ایک ہیں جنہیں یہ اعزاز اور تمغہ دیا گیا۔

سینئر لیفٹیننٹ کو روسی فوجی ساز و سامان کے 25 یونٹوں کو تباہ کرنے اور تقریباً 300 حملہ آور فوجیوں کو ہلاک کرنے پر یہ تمغہ دیا گیا۔

یہ بھی پڑھیے

یوکرین کی وزارت دفاع نے  زیلنسکی کے اسپتال کے دورے کی تصاویر پوسٹ کیں جس میں وہ سیلفی لیتے نظر آ رہے ہیں۔

ٹوئٹ میں بتایا گیا کہ زیلنسکی نے زخمی فوجیوں کی ہمت و بہادری کو خراج تحسین پیش کیا اور کہا کہ مجھے یقین ہے کہ آپ کی کاوشوں کا بہترین تحفہ ہماری مشترکہ فتح ہو گی۔

بین الاقوامی خبریں سے مزید