سندھ ہاوس پر حملہ ہم سندھ صوبے پر حملہ سمجھتے ہیں، شرجیل میمن

پیپلز پارٹی کے سینئر رہنما شرجیل انعام میمن نے کہا ہے کہ سندھ ہاؤس اسلام آباد پر حملے کو ہم سندھ صوبے پر حملہ سمجھتے ہیں۔

اسلام آباد میں میڈیا سے گفتگو میں رکن سندھ اسمبلی نے کہا کہ ریڈ زون میں وزیراعظم عمران خان کی ٹائیگر فورس نے دہشت گردی کا مظاہرہ کیا ہے۔

پارلیمنٹ کے بعد عمران نیازی کے شیرو سندھ ہاؤس پر حملہ آور ہیں، سعید غنی

وزیراطلاعات سندھ سعید غنی نے کہا ہے کہ پارلیمنٹ ہاؤس کے بعد عمران خان نیازی کے شیرو سندھ ہاؤس پر حملہ آور ہیں۔

انہوں نے کہا کہ ٹائیگر فورس نے سرکاری املاک پر دھاوا بولا، ہم چاہتے تو پی ٹی آئی کارکنوں کی دھلائی ہوسکتی تھی۔

پی پی رہنما نے مزید کہا کہ پی ٹی آئی کے دو ایم این ایز بھی اس دہشت گرد حملے میں موجود تھے، عمران خان تصادم چاہتے ہیں جبکہ ہماری لیڈر شپ نے ہمیں تصادم کا پیغام نہیں دیا ہے۔

اُن کا کہنا تھا کہ فہیم خان اور عطا اللہ کو تمام کیمروں نے دیکھا ہے، جب یہ لوگ اس طرح کی حرکت کررہے تھے، تو اسلام آباد پولیس خاموش بیٹھی تھی۔

جلسوں میں کوئی مرا یا مروادیا تو سب پچھتائیں گے، شجاعت

حکومتی اتحادی جماعت مسلم لیگ(ق) کے سربراہ چوہدری شجاعت حسین نے کہا ہے کہ ووٹ کی خرید و فروخت محض پراپیگنڈہ ہے۔

شرجیل میمن نے یہ بھی کہا کہ وفاقی وزرا کہہ رہے تھے کہ سندھ پولیس کس قانون کے تحت سندھ ہاؤس پر تعینات ہے، آج اگر سندھ کی پولیس نہیں ہوتی تو سندھ ہاؤس میں لوگوں کی جان کو خطرہ تھا۔

انہوں نے کہا کہ عمران خان عددی نمبروں سے شکست کھا چکا ہے، جس انداز میں انہیں ہار نظر آئی ہے اب وہ تصادم چاہتے ہیں۔

پی پی رہنما نے کہا کہ عمران خان چاہتا ہے کہ ہم بھی اس طرح کی حرکتیں کریں اور تصادم ہو، ہم چاہتے توحملہ آوروں کی دھلائی ہوسکتی تھی۔ جو ایم این ایز اس میں ملوث ہیں ان پر مقدمہ بنایا جائے۔

گورنر ہاؤس سے جانا پڑا تو چلے جائیں گے، عمران اسماعیل

گورنر سندھ عمران اسماعیل نے کہا ہے کہ گورنر ہاؤس سے جانا پڑا تو چلے جائیں گے۔

شرجیل میمن نے کہا کہ اسلام آباد کے ریڈ زون میں بدترین دہشت گردی کا مظاہرہ کیا گیا، اسلام آباد پولیس 3، 4 گھنٹے سے تماشا دیکھ رہی تھی۔

انہوں نے کہا کہ پہلے کبھی ایسا نہیں ہوا کہ سرکاری املاک پر اس طرح دھاوا بولا جائے، یہ اسلام آباد پولیس اور وزیر داخلہ کی ناکامی ہے، شیخ رشید کو استعفیٰ دینا چاہیے۔

پی پی رہنما نے کہا کہ سندھ ہاؤس میں پیپلز پارٹی کے ایم این اےاپنی فیملیز کے ساتھ موجود ہیں، دہشت گردی کے حملے کیے تو آپ کے ایم اےاین بھی محفوظ نہیں رہیں گے۔

اُن کا کہنا تھا کہ عمران خان کو شکست نظر آرہی ہے، ہمارے صبر کو پیمانہ لبریز نہ ہونے دیا جائے، ریڈ زون میں دہشت گردی میں ملوث افراد کو فوری گرفتار کیا جائے۔