پارلیمنٹ کے بعد عمران نیازی کے شیرو سندھ ہاؤس پر حملہ آور ہیں، سعید غنی

وزیراطلاعات سندھ سعید غنی نے کہا ہے کہ پارلیمنٹ ہاؤس کے بعد عمران خان نیازی کے شیرو سندھ ہاؤس پر حملہ آور ہیں۔

کراچی میں میڈیا سے گفتگو میں سعید غنی نےسندھ ہاؤس اسلام آباد پر تحریک انصاف کے کارکنوں کے حملے پر ردعمل دیا ہے۔

سندھ ہاوس پر حملہ ہم سندھ صوبے پر حملہ سمجھتے ہیں، شرجیل میمن

پیپلز پارٹی کے سینئر رہنما شرجیل انعام میمن نے کہا ہے کہ سندھ ہاؤس اسلام آباد پر حملے کو ہم سندھ صوبے پر حملہ سمجھتے ہیں۔

انہوں نے مزید کہا کہ سندھ ہاؤس سے پی ٹی آئی کے غنڈے نہیں گئے تو گورنر ہاؤس کا راستہ ہم نے دیکھا ہوا ہے۔

صوبائی وزیر اطلاعات نے یہ بھی کہا کہ پارلیمنٹ ہاؤس پر حملے کے بعد اب عمران نیازی کے شیرو سندھ ہاؤس پر حملہ آور ہیں۔

اُن کا کہنا تھا کہ اپوزیشن ارکان اسمبلی کے نیازی حکومت کے متعلق شبہات درست ثابت ہورہے ہیں، عمران نیازی اسمبلی میں اکثریت کھونے کے بعد حواس باختہ ہوچکا ہے۔

جلسوں میں کوئی مرا یا مروادیا تو سب پچھتائیں گے، شجاعت

حکومتی اتحادی جماعت مسلم لیگ(ق) کے سربراہ چوہدری شجاعت حسین نے کہا ہے کہ ووٹ کی خرید و فروخت محض پراپیگنڈہ ہے۔

سعید غنی نے یہ بھی کہا کہ نالائق پی ٹی آئی حکمراں جو کریں گے، اسی زبان میں انہیں جواب دیا جائے گا۔

انہوں نے کہا کہ اگر کسی رکن اسمبلی کو نقصان پہنچا تو ذمہ داری عمران نیازی اور شیخ رشید پر ہوگی۔

وزیر اطلاعات سندھ نے کہا کہ پی ٹی آئی کے شیرو سندھ ہاؤس سے نہ گئے تو جیالے گورنر ہاؤس کا گھیراؤ کریں گے۔