فرمان الہی
نماز کے اوقات
قومی کرکٹ ٹیم کے دو معروف، ہر دلعزیز نام بابر اعظم اور محمد رضوان کی ایڈٹ کی ہوئی ایک دلچسپ ویڈیو سوشل میڈیا پر وائرل ہے جسے دیکھ کر کرکٹ شائقین بے حد محظوظ ہو رہے ہیں، ساتھ ہی شیئر بھی کر رہے ہیں۔
کرکٹ کے متوالوں کے لیے شہزادوں کی سی حیثیت رکھنے والے، ٹیم کے کپتان بابر اعظم اور محمد رضوان نے گزشتہ چند سیریز کے دوران اپنی ایک منفرد پہچان بنا لی ہے، اِن دونوں کرکٹرز کے کروڑوں مداح ہیں جن کی دنیا ہی ان کے گرد گھومتی ہے۔
سوشل میڈیا پر اس کی ہی ایک مثال خوب وائرل ہو رہی ہے جس میں بابر اعظم اور محمد رضوان کی جانب سے اپنی گفتگو کے دوران بار بار دہرائے جانے والے لفظوں کو یکجا کر کے ایک دلچسپ ویڈیو بنائی گئی ہے۔
اس ویڈیو میں بابر اعظم کی جانب سے بار بار بولے جانے والے انگریزی لفظ ’ڈیفنیٹلی‘ اور محمد رضوان کے ’دیکھیں جی‘ ہی کی صدائیں گونج رہی ہیں۔
اس ویڈیو میں سے سب سے دلچسپ حصہ آخر کا ہے جس میں سابق کپتان سرفراز احمد کو ’ڈیفنیٹلی‘ اور ’دیکھیں جی‘ سے تنگ آکر اپنا سر پکڑتے ہوئے دکھایا گیا ہے۔
