• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان: سیکیورٹی فورسز کا اہم آپریشن، 6 دہشت گرد ہلاک

تازہ ترین
قومی خبریں
26 مارچ ، 2022


بلوچستان کے علاقے سبی میں سیکیورٹی فورسز نے بی این اے سے تعلق رکھنے والے 6 دہشت گرد ہلاک کردیے ہیں۔

آئی ایس پی آر کے مطابق سیکیورٹی فورسز نے سبی میں دہشت گردوں کی موجودگی کی اطلاع پر آپریشن کیا۔

آئی ایس پی آر کے مطابق دہشت گردوں نے موقع پر سیکیورٹی فورسز پر فائرنگ کرکے فرار ہونے کی کوشش کی۔

شہید سپاہی نثار
شہید سپاہی نثار

سیکیورٹی فورسز سے فائرنگ کے تبادلے میں بی این اے سے تعلق رکھنے والے 6 دہشت گرد ہلاک ہوئے ہیں۔

آئی ایس پی آر کے مطابق ہلاک دہشت گردوں میں نصیب اللہ بنگلزئی، پیر جان، رکئی کلہوئی بھی شامل ہیں۔

ہلاک دہشت گرد سیکیورٹی فورسز پر حملوں میں ملوث تھے جبکہ ان دہشت گردوں کا تعلق 20 جنوری کے انارکلی لاہور کے دھماکے سے بھی تعلق تھا۔

آئی ایس پی آر کے مطابق دہشت گردوں کی فائرنگ سے سپاہی نثار شہید اور 2 جوان زخمی ہوئے ہیں جبکہ آپریشن کےد وران اسلحہ ، گولہ باردو بھی برآمد ہوا ہے۔

قومی خبریں سے مزید