استعفیٰ نہیں ملے گا، میدان لگے گا، فواد چوہدری

وفاقی وزیر اطلاعات و  نشریات فواد چوہدری کا کہنا ہے کہ وزیراعظم کا  استعفیٰ نہیں ملے گا بلکہ میدان لگے گا۔

انہوں نے ٹوئٹر پر جاری بیان میں کہا کہ وزیر اعظم عمران خان آخری بال تک لڑنے والے کھلاڑی ہیں۔

وفاقی وزیر نے کہا کہ استعفیٰ نہیں ملے گا میدان لگے گا، دوست بھی دیکھیں گے اور دشمن بھی ۔

سارے فساد کی جڑ فواد چوہدری ہیں، شہباز گِل

عمران خان کے معاونِ خصوصی برائے سیاسی روابط شہباز گِل نے اپوزیشن کی مت مارنے کی وجہ فواد چوہدری کو قرار دے دیا۔

اس سے قبل وزیر داخلہ شیخ رشید نے کہا تھا کہ وزیراعظم عمران خان آج شام قوم سے خطاب کریں گے،عمران خان کھڑا ہوا ہے، آخری بال تک لڑے گا۔