این ٹی ڈی سی نے کےالیکٹرک کو بجلی سپلائی میں کمی کا دعویٰ مستردکردیا

نیشنل ٹرانسمیشن ڈیسپیچ کمپنی (این ٹی ڈی سی) نے کےالیکٹرک کو بجلی سپلائی میں کمی کا دعویٰ مسترد کردیا۔

ایم ڈی این ٹی ڈی سی منظر احمد کا کہنا ہے کہ کےالیکٹرک کو بجلی سپلائی میں کوئی کمی نہیں کی گئی، کےالیکٹرک کو طے شدہ بجلی سے زائد سپلائی کر رہے ہیں۔

منظر احمد نے کہا کہ اس وقت بھی 850 میگاواٹ سے زائد بجلی کےالیکٹرک کو دے رہے ہیں۔

ایم ڈی این ٹی ڈی سی نے انکشاف کیا کہ کےالیکٹرک کو1000 میگاواٹ بجلی دے رہے ہیں۔