آئی جی پنجاب نے سیکریٹری اسمبلی کا نوٹس چیلنج کردیا

آئی جی پنجاب راؤ سردار علی خان نے سیکریٹری پنجاب اسمبلی کا شوکاز نوٹس ہائی کورٹ میں چیلنج کردیا۔

آئی جی پنجاب کی درخواست میں سیکریٹری پنجاب اسمبلی کو فریق بنایا گیا ہے۔

پی ٹی آئی کا 25 منحرف ارکان پنجاب اسمبلی کیخلاف الیکشن کمیشن کو خط

پاکستان تحریک انصاف (پی ٹی آئی) نے 25 منحرف اراکین پنجاب اسمبلی کے خلاف ریفرنس پر جلد کارروائی کے لیے الیکشن کمیشن کو خط لکھ دیا۔

درخواست گزار نے کہا کہ پنجاب اسمبلی میں داخل ہونے پر سیکریٹری اسمبلی نے شوکاز نوٹس جاری کیا۔

درخواست میں موقف اختیار کیا کہ اسپیکر چوہدری پرویز الہٰی نے 3 ماہ کی سزا کا بیان بھی دیا ہے۔

آئی جی پنجاب نے درخواست میں موقف اختیار کیا کہ پولیس ڈپٹی اسپیکر کے حکم پر پنجاب اسمبلی میں داخل ہوئی، عدالت عالیہ نے بھی امن و امان برقرار رکھنے کاحکم دیا تھا۔

درخواست میں استدعا کی کہ عدالت سیکرٹری پنجاب اسمبلی کی جانب جاری شوکاز نوٹس کلعدم قرار دے۔