سب کے ساتھ مل کر چلیں گے، (ن) لیگ، پی پی

جمہوریت کے استحکام کے لیے پیپلزپارٹی اور (ن) لیگ نے تمام سیاسی جماعتوں کے ساتھ مل کر کام کرنے پر اتفاق کیا ہے۔

وزیراعظم شہباز شریف سے سابق صدر آصف زرداری اور بلاول بھٹو زرداری نے اسلام آباد میں ملاقات کی۔ اس موقع پر شہباز شریف نے کہا کہ آئین کی بالادستی اور جمہوری عمل کا تسلسل ہی ملک کی ترقی کا راز ہے، باہمی تعاون سے ملک کو درپیش چیلنجز پر جلد قابو پالیا جائے گا۔

وزیراعظم شہباز شریف آج سعودی عرب جائیں گے

رپورٹس کے مطابق وزیراعظم کے ہمراہ کابینہ کے اہم ارکان سمیت اعلیٰ سطح کا وفد بھی ہوگا۔

وزیراعظم نے پیپلزپارٹی کے چیئرمین بلاول بھٹو کو وفاقی وزیر کا حلف لینے پر مبارک باد بھی دی۔

علاوہ ازیں اسلام آباد میں وزیراعظم شہباز شریف سے جے یو آئی کے سربراہ مولانا فضل الرحمٰن نے بھی ملاقات کی، جس میں ملک کی سیاسی صورت حال پر تبادلہ خیال کیا گیا۔