سی پی این ای وفد کی عمران خان سے ملاقات، دو طرفہ معاملات پر گفتگو

کونسل آف پاکستان نیوز پیپرز ایڈیٹرز کے اعلیٰ سطح کے ایک وفد نے چیئرمین پی ٹی آئی عمران خان سے ملاقات کی۔

اس موقع پر دو طرفہ معاملات اور باہمی دلچسپی کے امور پر تبادلۂ خیال کیا گیا۔ عمران خان نے فیک نیوز کو بڑا مسئلہ قرار دیا اور کہا کہ تحریک انصاف آزاد اور ذمہ دار میڈیا کی افزائش و نمو کی مکمل حوصلہ افزائی کرتی ہے۔

صدر سی پی این ای کاظم خان نے کہا کہ فیک نیوز اور آزادیٔ اظہار دو مختلف چیزیں ہیں۔ میڈیا کو موردِ الزام ٹھہرانے کے بجائے اپنی غلطیوں کی اصلاح ضروری ہے۔ 

اس موقع پر بیرونی سازش کے نتیجے میں ملکی سیاست میں مداخلت اور حکومت کی تبدیلی پر بھی گفتگو کی گئی۔ 

عمران خان نے کہا، انہیں اور ان کی اہلیہ کو بطورِ خاص ”فیک نیوز“ کا نشانہ بنایا جارہا ہے۔ افواہ سازی اور فیک نیوز کے تدارک میں کلیدی کردار اہلِ صحافت کو حاصل ہے۔