PTI رہنماؤں پر توہین مذہب کے مقدمات تشویش ناک ہیں: فرحت اللّہ بابر

02 مئی ، 2022

پیپلز پارٹی کے رہنما فرحت اللّہ بابر نے پی ٹی آئی رہنماؤں پر توہین مذہب کے مقدمات کو تشویش ناک قرار دیا ہے۔

فرحت اللّہ بابر نے اپنے بیان میں کہا کہ پی ٹی آئی رہنماؤں پر توہین مذہب کے مقدمات کی مذمت کرتا ہوں، ماضی میں ہمیشہ مذہب کے بطورِ ہتھیار استعمال کی بھی مذمت کی ہے۔

اُنہوں نے کہا کہ اب بھی اس کی مذمت کرتا ہوں اور مستقبل میں بھی کروں گا، توہین مذہب قانون کے غلط استعمال کو روکنا ہوگا۔

اُن کا مزید کہنا تھا کہ توہین مذہب قانون کو بطور ہتھیار استعمال نہ کیا جائے، توہین مذہب کے معاملے پر عقل سے کام لیا جائے۔