سندھ کے 3 بیراج پانی کی قلت کا شکار

سندھ کے سکھر، گڈو اور کوٹری بیراجوں کو پانی کی قلت کا سامنا ہے۔

انچارج کنٹرول روم سکھر بیراج کے مطابق سکھر اور گڈو بیراج کے کئی کینالوں کو پانی کی فراہمی متاثر ہوئی ہے۔

انہوں نے بتایا ہے کہ اس وقت تینوں بیراجوں کو پانی کی مجموعی طور 40 فیصد سے زائد کمی کا سامنا ہے۔

دریائے سندھ میں پانی کی قلت برقرار

انچارج کنٹرول روم سکھر بیراج کا کہنا ہے کہ دریائے سندھ میں پانی کی قلت برقرار ہے۔

سکھر بیراج کے کنٹرول روم کے انچارج کا مزید کہنا ہے کہ بالائی علاقوں میں بارشوں کا نیا سلسلہ شروع نہیں ہوتا تو مزید بحران پیدا ہو گا۔

انچارج کنٹرول روم سکھر بیراج کا یہ بھی کہنا ہے کہ اگر پانی کی بحرانی صورتِ حال برقرار رہی تو سندھ میں فصلوں کو شدید نقصان ہو سکتا ہے۔