فرمان الہی
نماز کے اوقات
سیالکوٹ کے ڈی پی او حسن اقبال کی سی ٹی آئی گراؤنڈ میں جلسے سے متعلق پاکستان تحریک انصاف(پی ٹی آئی) کی قیادت سے مکالمے کی ویڈیو وائرل ہوگئی۔
سوشل میڈیا پر وائرل ہونے والی ویڈیو میں ڈی پی او حسن اقبال پی ٹی آئی کے رہنماؤں کو سمجھا رہے ہیں کہ جس جگہ پر آپ جلسہ کرنا چاہا رہے ہیں وہ مسیحی برادری کی عبادت گاہ کی جگہ ہے۔
ویڈیو میں حسن اقبال کو پی ٹی آئی قیادت کو کہتے سنا جاسکتا ہے کہ ’یہ جگہ امریکن سوسائٹی کی ہے اور یہ پرائیوٹ جگہ ہے‘۔
ڈی پی او کا مزید کہنا تھا کہ اگر اقلیت کیساتھ کوئی ایسا کرے گا تو ریاست اس کا تحفظ نہیں کرے گی۔
انہوں نے یہ بھی کہا کہ پچھلے 2 دن سے آپ کو یہ بات سمجھانے کی کوشش کر رہا ہوں۔
خیال رہے کہ مریم نواز نے سیالکوٹ کے ڈی پی اور حسن اقبال کو ٹوئٹر پیغام پر شاباشی دی تھی۔
کرسچن کمیونٹی کے احتجاج کے بعد پاکستان تحریک انصاف(پی ٹی آئی) نے سیالکوٹ جلسے کا مقام تبدیل کردیا۔
پاکستان تحریک انصاف (پی ٹی آئی) کے رہنما شفقت محمود نے اعجاز چوہدری کے ہمراہ پریس کانفرنس کے دوران اس بات کا اعلان کیا ہے۔
