فرمان الہی
نماز کے اوقات
مسلم لیگ (ن) کے سینئر رہنما حنیف عباسی نے کہا ہے کہ آئین کی تشریح کےلیے یہ عدالت گئے اب حکم ماننے کو تیار نہیں۔
جیو نیوز کے پروگرام ’جرگہ‘میں گفتگو کرتے ہوئے حنیف عباسی نے کہا کہ ہماری 3 نسلوں میں کسی نے آج تک کوئی گندا کام نہیں کیا، جب مجھے عمر کی قید کی سزا دی گئی تو رات ساڑھے 11 فیصلہ سنایا گیا۔
انہوں نے کہا کہ میں نے پورے ٹرائل کے دوران کبھی میڈیکل نہیں بھیجا، ہر پیشی پر خود حاضر ہوتا رہا، ریکارڈ نکال لیں، ایک بار بھی پیشی سے رخصت نہیں لی۔
ن لیگی رہنما نے مزید کہا کہ عمر قید کی سزا سننے کے بعد بھی اپنے لوگوں کو روکا، اپنے لوگوں کو کہا جو مجھے جیل نہیں جانے دے گا وہ میرا دشمن ہے۔
اُن کا کہنا تھا کہ فوجداری مقدمے میں ایک تیسرا بندہ آکر کہتا ہے کہ حنیف عباسی کے کیس کا فیصلہ کریں۔
حنیف عباسی نے یہ بھی کہا کہ سپریم کورٹ گئے تو عدالت عظمیٰ نے بھی کہا کہ ہاں جی 8 دن میں فیصلہ کریں۔
