گجرات کے لوگوں نے حمزہ شہباز کا دل جیت لیا

وزیر اعلیٰ پنجاب حمزہ شہباز کا کہنا ہے کہ گجرات کے لوگوں نے ہمارے دل جیت لیے ہیں۔

ایک بیان میں حمزہ شہباز نے کہا کہ شدید گرمی کے باوجود کارکنوں کا جوش دیدنی تھا، گجرات کے مسائل حل کر کے آپ کی محبتوں کا قرض اتاروں گا۔

انہوں نے مزید کہا کہ گجرات مسلم لیگ ن کا ہے، ان شا اللّٰہ آئندہ بھی ہمارا ہی رہے گا۔

ان کا یہ بھی کہنا تھا کہ گجرات میں عوام کا سمندر عمران نیازی کی بند آنکھیں کھولنے کیلئے کافی ہے۔

عمران خان پنجاب لوٹنے والی گوگی کا ترجمان بنا ہوا ہے، حمزہ شہباز

وزیراعلیٰ پنجاب اور مسلم لیگ (ن) کے نائب صدر حمزہ شہباز نے کہا ہے کہ عمران خان پنجاب کو لوٹنے والی گوگی کا ترجمان بنا ہوا ہے۔

خیال رہے کہ گزشتہ روز مسلم لیگ ن نے گجرات میں جلسہ کیا تھا، جس سے خطاب کرتے ہوئے حمزہ شہبا ز نے کہا تھا کہ عمران خان پنجاب کو لوٹنے والی گوگی کا ترجمان بنا ہوا ہے، عمران خان ایک بزدل کا نام ہے، جو سازش کا رونا روتا ہے۔