کراچی (جنگ نیوز،این این آئی ) پاکستان تحریک انصاف کے سربراہ عمران خان اورپیپلز پارٹی کے چیئرمین بلاول بھٹو زر داری،متحدہ قومی موومنٹ کی رابطہ کمیٹی کے سینئرڈپٹی کنوینرڈاکٹرمحمدفاروق ستارنے وزیراعظم محمد نواز شریف کی جلد صحت یابی کے لئے دعائیں کی ہیں۔ پیپلز پارٹی کے چیئر مین بلاول بھٹو زرداری اور عمران خان کی جانب سے وزیراعظم کیلئے نیک خواہشات کا اظہار کیا گیا تحریک انصاف کے سربراہ عمران خان نے اپنے ٹویٹر پیغام میں کہا ہے کہ وہ دعا کرتے ہیں کہ وزیر اعظم جلد صحت یاب ہوں۔ پاکستان پیپلز پارٹی کے چیئرمین بلاول بھٹو زرداری نے بھی ٹویٹر پر وزیراعظم کی صحت یابی کے لیے دعا کا پیغام جاری کیا ہےپاکستان پیپلزپارٹی کے چیئرمین بلاول بھٹو زرداری کی ہمشیرہ آصفہ بھٹوزرداری نے سماجی رابطوں کی ویب سائٹ ٹوئٹر پر اپنے پیغام میں وزیر اعظم میاں محمدنوازشریف کی کامیاب سرجری اورجلدصحت یابی کی دعا کی ہے۔ انہوں نے کہاکہ میں دعاکرتی ہو ں کہ وزیراعظم کی سرجری کامیاب ہواور وہ جلدصحت یاب ہوجائیں ،علاوہ ازیں پاکستان پیپلزپارٹی کے رہنمائوں سینیٹراعتزاز احسن،قمرزمان کائرہ اورفریال تالپورسمیت تحریک انصاف کے رہنماسابق گورنرپنجاب چوہدری محمدسرور نے بھی وزیراعظم کی اوپن ہارٹ سرجری کی کامیابی اورجلدصحت یابی کیلئے نیک خواہشات کا اظہارکیا ہے۔
فرمان الہی
نماز کے اوقات
