سکھر ......پیپلزپارٹی کے رہنما اور اپوزیشن لیڈر خورشید شاہ نے کہا ہے کہ پیپلز پارٹی چاہتی ہے کہ کراچی آپریشن جاری رہے لیکن میاں صاحب کی ٹیم سندھ کے تحفظات پر مسائل پیدا کررہی ہے۔
کمشنر ہاؤس سکھر میں میڈیا سے گفتگومیں ان کا کہنا تھا کہ سعودی عرب اور ایران کے معاملے پر اپوزیشن اور تمام سیاسی جماعتیں حکومت کے ساتھ ہیں، دونوں ممالک کے درمیان کشیدگی ختم کرنے کیلئےپاکستان کو اپنا کردار ادا کرنا چاہیے۔
ان کا کہنا تھا کہ پاک چین راہداری منصوبے پر احسن اقبال کے بیانات نے بدگمانیاں پیدا کی ہیں، پیپلزپارٹی اس حوالے سے چھوٹے صوبوں کے ساتھ ہے۔
ان کا کہنا تھا کہ وزیراعظم کی ہدایت کے باوجود وفاقی وزیر داخلہ نے اب تک وزیراعلیٰ سندھ سے رابطہ نہیں کیا۔
فرمان الہی
نماز کے اوقات
