عمران خان کی سیاست 3دن کی جیل میں نکل جائے گی، رانا ثناء اللّٰہ

وفاقی وزیر داخلہ رانا ثناء اللّٰہ نے کہا ہے کہ عمران خان کو 3دن جیل میں رکھا جائے تو اس کی سیاست نکل جائے گی۔

ماڈل ٹاؤن لاہور میں صحافیوں سے گفتگو میں رانا ثناء اللّٰہ نے کہا کہ دعا کریں عمران خان کی گرفتاری کی اجازت مل جائے۔

شیریں مزاری کو اسلام آباد پہنچا دیا گیا، ذرائع

سابقہ وفاقی وزیر اور پاکستان تحریک انصاف (پی ٹی آئی) کی سینئر رہنما ڈاکٹر شیریں مزاری کو اسلام آباد پہنچادیا گیا۔

انہوں نے کہا کہ عمران خان کو 3 دن جیل میں رکھا جائے تو اس کی سیاست نکل جائے گی، میری خواہش ہے سابق وزیراعظم کو اسی سیل میں رکھا جائے، جہاں مجھے رکھا گیا تھا۔

وزیر داخلہ نے مزید کہا کہ ایسے فیصلے اتحادی جماعتوں کے سربراہوں کے بغیر نہیں کیے جاسکتے، دعا کریں عمران خان کی گرفتاری کی اجازت مل جائے۔

اُن کا کہنا تھا کہ پرویز الہٰی پہلے اپنے خلاف عدم اعتماد کی تحریک پر ووٹنگ کرائیں اور پھر اجلاس بلائیں۔

رانا ثناء اللّٰہ نے شیری مزاری کی گرفتاری حکومتی عمل دخل کی تردید کی اور کہا کہ سابقہ وفاقی وزیر کی گرفتاری متعلقہ ادارے نے قانون کے مطابق کی۔