غزل: بے وفا دیکھ چُکے ہم تو محبت تیری...

میگزینز

سنڈے میگزین

29 مئی ، 2022

بے وفا دیکھ چُکے ہم تو محبت تیری

اب کسی اور پہ دیکھیں گے عنایت تیری

ہم کو بھی یاد رہے، تیرے کرم کے قصّے

پھر بھی ہم لب پر نہیں لاتے شکایت تیری

تُو مجھے بھول بھی جائے تو نہیں ہے کوئی غم

خانۂ دل میں سجا رکھی ہے صُورت تیری

دیکھ کر اپنے ستم، اتنا پشیمان نہ ہو

ہم سے دیکھی نہیں جاتی یہ حالت تیری

زخم کھا کر بھی سجایا ہے تبسّم لب پر

سامنے غیر کے اڑ جائے نہ رنگت تیری

(شگفتہ بانو، لالا زار، واہ کینٹ)

سنڈے میگزین سے مزید

استقبالِ رمضان اور اُس کے تقاضے