عدالت نے ہماری درخواست منظور کرتے ہوئے حکم دیا، بابر اعوان

27 مئی ، 2022

پی ٹی آئی کے وکیل بابر اعوان کا کہنا ہے کہ عدالت نے ہماری درخواست منظور کرتے ہوئے حکم دیا ہے کہ اگر کوئی مظلوم تھانے جاتا ہے تو اسے قانون کے مطابق حق دیا جائے۔

اسلام آباد ہائیکورٹ کے باہر میڈیا سے گفتگو کرتے ہوئے بابر اعوان نے بتایا کہ ہم اسلام آباد ہائیکورٹ بار ایسویشن کی درخواست میں پیش ہوئے۔

سپریم کورٹ کے فیصلے کی روشنی میں اس درخواست کو نتیجہ خیز بنانے کی درخواست کی، عدالت سے درخواست کی ہے کہ عوام کے بنیادی حقوق پامال ہوئے، گھروں میں غیرقانونی چھاپے مارے گئے، چادر اور چار دیواری کا تقدس پامال کیا گیا۔

بابر اعوان نے کہا کہ عمر ایوب سمیت دیگر لوگ زخمی ہوئے، ہمارے خلاف مدعی پولیس ہے کوئی نجی پارٹی نہیں ہے، ہاں جہاں چھاپے پڑے ہیں، وہ اپنے نقصانات اور ہراساں کرنے کی ویڈیو اور شکایات بھیجیں۔

قومی خبریں سے مزید