کراچی (نصر اقبال/ اسٹاف رپورٹر) پاکستان کی جونیئر والی بال ٹیم رواں سال جولائی میں تائیوان میں ہونے والی ایشین جونیئر انڈر21 والی بال چیمپئن شپ میں حصہ لے گی،پاکستان والی بال فیڈریشن کے صدر چوہدری محمدیعقوب نے جنگ سے بات چیت کرتے ہوئے کہا کہ جونیئر کھلاڑیوں کا اس ایونٹ کے پشاور میں لگایا گیا تربیتی کیمپ اگلے دو تین روز میں اسلام آباد منتقل کردیا جائے گا۔ ایشیائی ایونٹ 9جولائی سے شروع ہوگا جس کے لئے قومی ٹیم سات جولائی کو تائیوان روانہ ہوگی۔اسلام آباد کے تربیتی کیمپ کےدوران ٹیم کا انتخاب کیا جائے گا۔انہوں نے کہا جونیئر ایشین چیمپئن شپ میں قومی ٹیم سے اچھے نتائج کی امید ہے۔
فرمان الہی
نماز کے اوقات
