وزارت خزانہ نے 5 بڑے مسائل کی نشاندہی کردی

وزارت خزانہ نے پاکستان کی معیشت کو درپیش 5 بڑے مسائل کی نشاندہی کردی ہے۔

اسلام آباد سے جاری اعلامیے میں وزارت خزانہ نے کہا کہ معاشی فیصلے مستقبل کی یقینی صورتحال کی بنیاد پر ہوتے ہیں۔

وزیراعظم کی ہدایت پر یوٹیلیٹی اسٹورز پر آٹا سستا، نوٹیفکیشن جاری

وزیراعظم شہباز شریف کی ہدایت پر یوٹیلٹی اسٹورز پر آٹا سستا کرنے کا نوٹیفکیشن جاری کردیا گیا۔

وزارت خزانہ کے مطابق بڑھتی مہنگائی معیشت کے لیے بڑا چیلنج ہے، حکومت عالمی منڈی میں اشیاء کی قیمتوں میں اضافے کا بوجھ برداشت کررہی ہے۔

اعلامیے کے مطابق حکومت کو بیرونی خسارے اور روپے کی بے قدری کا سامنا ہے، یہی وجہ ہے، ملک شدید غیر یقینی کا شکار ہے۔

وزارت خزانہ کے مطابق پاکستان کو زرمبادلہ کے ذخائر میں کمی کا مسئلہ درپیش ہے، رواں مالی سال جی ڈی پی کی شرح 5 اعشاریہ 97 فیصد رہی۔

اعلامیے کے مطابق شرح نمو کا ہدف حاصل کرنے کے باوجود ملک کو معاشی مسائل درپیش ہیں، بڑا چیلنج معیشت کو مستحکم رکھنا ہے۔

وزارت خزانہ کے مطابق مئی میں مہنگائی ڈبل ڈیجیٹ میں رہے گی۔