راولپنڈی (اپنے نامہ نگار سے) راولپنڈی کینٹ ایریاز میں ہفتہ صفائی مہم کا آغاز (آج) پیر سے ہو رہا ہے ، ایگزیکٹو آفیسر ڈاکٹر صائمہ شاہ صفائی مہم کا افتتاح صبح 6بجےشاہ بلوط پارک میں کرینگی ، اس موقع پر وائس پریذیڈنٹ راجہ جہانداد سمیت منتخب ممبران بھی موجود ہونگے، کینٹ بورڈ حکام کے مطابق شعبہ سینی ٹیشن کے عملہ کی چھٹیاں منسوخ کر دی گئی ہیں اور یہ صفائی مہم 5جون تک بغیر وقفہ کے جاری رہیگی ، گارڈن برانچ ، انجینئرنگ اور انفورسمنٹ کا عملہ بھی جہاں ضرورت پڑے گی پورا ہفتہ سینی ٹیشن سٹاف کے ساتھ ڈیوٹی دیگا ، روزانہ کی بنیاد پر تمام وارڈز میں صفائی کو یقینی بنایا جایا گا اور اس کے بعد پورا سال اسی طرح کینٹ میں صفائی کو یقینی بنایا جائے گا۔
فرمان الہی
نماز کے اوقات
