فرمان الہی
نماز کے اوقات
پاکستانی ویمن ٹیم کی بیٹر سدرا امین نے کہا ہے کہ وہ پاکستان مینز ٹیم میں محمد رضوان اور بابر اعظم کو فالو کرتی ہیں۔
کراچی میں سری لنکن ٹیم کے خلاف دوسرے ایک روزہ میچ میں فتح کے بعد میڈیا سے گفتگو میں سدرا امین نے کہا کہ پہلے کے مقابلے میں اب مواقع ملنے لگے ہیں، کوشش ہے ان سے مستفید ہوں۔ کوشش ہوتی ہے کہ ایسے رنز کروں۔
اوپننگ بیٹر سدرا امین نے سری لنکن کے خلاف دوسرے ایک روزہ میچ میں سنچری اسکور کی، انہوں نے 150 گیندوں پر 123 رنز کی باری کھیلی۔
اس حوالے سے پاکستانی ویمن کرکٹر نے کہا کہ بطور بیٹر یہی کوشش ہوتی ہے کہ زیادہ سے زیادہ سنچری اسکور کروں۔
ان کا کہنا تھا کہ سری لنکا کے خلاف جیت سے ہمیں اعتماد ملے گا، میری دوسری سنچری کے بعد کوشش ہوگی کہ تیسری اور چوتھی بھی جلد کروں۔
