فرمان الہی
نماز کے اوقات
پاکستان تحریک انصاف (پی ٹی آئی) کے وائس چیئرمین اور سابق وزیر خارجہ شاہ محمود قریشی نے استفسار کیا ہے کہ ہمارے دور میں مہنگائی مارچ کرنے والے آج کل کہاں غائب ہیں؟
لاہور سے جاری بیان میں شاہ محمود قریشی نے کہا کہ ہمارے دور میں بلاول بھٹو زرداری نے مہنگائی مارچ کیا۔
انہوں نے کہا کہ ن لیگی نائب صدر مریم نواز بھی ہمارے دور میں مہنگائی کے خلاف مارچ کرنے نکلی تھیں۔
پی ٹی آئی رہنما نے مزید کہا کہ میں پوچھتا ہوں کہ آج وہ مہنگائی مارچ کرنے والے کہاں غائب ہیں؟
اُن کا کہنا تھا کہ ہم نے آئی ایم ایف کے دباؤ کے باوجود سبسڈی دی، عمران خان نے واضح کہا کہ عوام پر مزید بوجھ نہیں ڈالوں گا۔
شاہ محمود قریشی نے یہ بھی کہا کہ روس ہمیں 30 فیصد سستی گندم اور پیٹرول دینے کو تیار تھا۔
