فرمان الہی
نماز کے اوقات
پنجاب اسمبلی کے بجٹ اجلاس کے حوالے سے مسلم لیگ ن اور مسلم لیگ ق کے درمیان رابطہ ہوا ہے۔
ذرائع کا کہنا ہے کہ مسلم لیگ ن کے رہنما ملک محمد احمد خان اور مسلم لیگ ق کے رہنما چوہدری مونس الہٰی کی ملاقات ہوئی ہے۔
ملاقات کے دوران ملک محمد احمد خان نے مونس الہٰی کو کابینہ کے فیصلوں سے آگاہ کر دیا۔
ملک محمد احمد خان نے مونس الہٰی سے درخواست کی کہ پنجاب کا بجٹ پیش کرنے دیا جائے۔
ملک احمد خان نے پنجاب کے اعلیٰ افسروں کے معاملے پر دونوں جانب سے کمیٹی تشکیل دینے کی سفارش بھی کی۔
مونس الہٰی نے ملک احمد خان کو جواب دیا کہ کمیٹی کے معاملے پر اسپیکر اسمبلی اور اپوزیشن لیڈر سے مشاورت کر کے جواب دیں گے۔
