اسلام آباد (این این آئی)پیپلز پارٹی کے رہنما سابق وزیر اعظم راجہ پرویز اشرف نے کہا ہے کہ پیپلزپارٹی پاناما لیکس میں وزیراعظم نوازشریف کو نہیں بچا رہی۔ پیر کو میڈیا سے گفتگو کرتے ہوئے سابق وزیراعظم راجہ پرویز اشرف نے کہا کہ پیپلزپارٹی پانامہ لیکس میں وزیراعظم نوازشریف کو نہیں بچا رہی۔ دوٹوک پالیسی ہے کہ غیرجانبدارانہ تحقیقات اور فورنزک آڈٹ ہونا چاہیے۔ انہوں نے کہاکہ وقت کی قلت کے باعث بلاول بھٹو زرداری کا راولپنڈی کا دورہ منسوخ ہو گیا ہے۔ راجہ پرویز اشرف نے کہاکہ6ماہ میں لوڈشیڈنگ ختم کرنے کے حکومتی بلندوبانگ دعوے دھرے کے دھرے رہ گئے ہیں۔ تین سال گزرنے کے باوجود حالات جوں کے توں ہیں۔
فرمان الہی
نماز کے اوقات
