فرمان الہی
نماز کے اوقات
پاکستان تحریک انصاف (پی ٹی آئی) کے نائب چیئرمین شاہ محمود قریشی نے کہا ہے کہ الیکشن کمیشن آف پاکستان (ای سی پی) اگر اپنی ذمے داری سے غافل رہا تو قوم کا مستقبل داؤ پر لگ جائے گا۔
لاہور میں پریس کانفرنس کے دوران نائب چیئرمین پی ٹی آئی نے کہا کہ پنجاب کے 20 حلقوں کا ضمنی انتخاب الیکشن کمیشن کے لیے بڑی آزمائش ہے۔
انہوں نے مزید کہا کہ 20 ضمنی الیکشن میں الیکشن کمیشن نے اپنی ساکھ کھو دی تو عام انتخابات کے نتائج قبول نہیں کریں گے۔
شاہ محمود نے کہا کہ الیکشن کمیشن اگر اپنی ذمے داری سے غافل رہا تو قوم کا مستقبل داؤ پر لگ جائے گا جبکہ اس سے پنجاب حکومت الیکشن کمیشن کی ساکھ کو متاثر کرے گی۔
ان کا کہنا تھا کہ ڈپٹی کمشنرز اور ڈی پی او کو کہا گیا ہے کہ مستقبل رزلٹ سے جڑا ہے۔
انہوں نے کہا کہ کاروباری طبقے کو ایف بی آر سے ڈرا کر ساتھ مانگا جارہا ہے۔ وزارتِ اعلیٰ بچانے کے لیے حمزہ شہباز کسی بھی حد تک جاسکتے ہیں۔
شاہ محمود قریشی نے الزام لگایا کہ ملتان میں جہاں انتخابی مہم کے لیے جائیں اسپیشل برانچ کا اہلکار ساتھ رہتا ہے۔
حمزہ سے پوچھ رہا ہوں حمزہ فاروق کو سرکاری گاڑی پر لاہور بلایا، کس چیز کا وعدہ کیا؟ یو سی لیول کے لوگوں کو اٹھا کر حمزہ سے ملاقات کروائی جا رہی ہے۔
نائب چیئرمین تحریک انصاف نے کہا کہ ضمنی الیکشن حمزہ شہباز کے مستقبل کا الیکشن ہے۔
