مردان: پولیس چوکی میں دھماکا، پولیس اہلکار شہید، 4 افراد زخمی

خیبر پختون خوا کے ضلع مردان میں چمتار پولیس چوکی میں بارودی مواد سے دھماکا ہوا ہے، جس کے نتیجے میں پولیس اہلکار شہید ہو گیا۔

پولیس کے مطابق دھماکے میں ایک پولیس حوالدار شہید اور 2 اہلکاروں سمیت 4 افراد زخمی ہوئے ہیں۔

پولیس کا کہنا ہے کہ دھماکے میں زخمی ہونے والوں میں 2 راہ گیر بھی شامل ہیں۔

پولیس کا یہ بھی کہنا ہے کہ دھماکے میں زخمی ہونے والوں اور شہید اہلکار کی لاش کو اسپتال منتقل کر دیا گیا ہے۔