فرمان الہی
نماز کے اوقات
اسلام آباد (نمائندہ جنگ) چیئرمین تحریک انصاف کے چیف آف اسٹاف ڈاکٹر شہباز گل نے کہا ہے کہ الحمد للہ ٹرانس پشاور نے بہترین اسمارٹ ٹکٹنگ پروگرام کا بین الاقوامی ایوارڈ جیت لیا ، یہ ایوارڈ لندن میں قائم کردہ ٹرانسپورٹ ٹکٹنگ گلوبل کی جانب سے دیا گیا ہے ، مقابلے میں فائنلسٹ انڈونیشیا ، برازیل ، آسٹریلیا ، نیو یارک ، نیو ساوتھ ویلز اور قازقستان کے پراجیکٹس شامل تھے۔ ایک بیان میں ڈاکٹر شہباز گل نے کہا کہ سلیم صافی اور بہت سے دوست جنہوں نے تمبو لگا لئے تھے روٹ پر کہ کب بس پنکچر ہو وہ آہ و بکا ڈالیں ، یقیناً یہ شرمندہ نہیں ہوں گے۔ انہوں نے کہا کہ باجی مریم اورنگزیب صاحبہ بی آر ٹی کے کھڈے کی گردان کرتے نہیں تھکتی تھیں ، یقیناً کھڈے سے نکل کر اچھا محسوس کر رہی ہوں گی۔ ان سب کے سرف کھانے کی اطلاع غلط ہے۔
