سلیم مانڈوی والا نے چیف الیکشن کمشنر کے خلاف ریفرنس کو بلیک میلنگ قرار دیدیا

پاکستان پیپلز پارٹی (پی پی پی) کے سینیٹر سلیم مانڈوی والا نے کہا ہے کہ پی ٹی آئی کا چیف الیکشن کمشنر کے خلاف ریفرنس لانا بلیک میلنگ ہے۔

چیف الیکشن کمشنر ریفرنس، اکبر ایس بابر کا سپریم کورٹ سے از خود نوٹس لینے کا مطالبہ

پی ٹی آئی ممنوعہ فنڈنگ کیس کے درخواست گزار اکبر ایس بابر نے چیف الیکشن کمشنر کے خلاف ریفرنس کے معاملے پر سپریم کورٹ سے از خود نوٹس لینے کا مطالبہ کردیا ہے۔

ایک بیان میں سینیٹر سلیم مانڈوی والا نے کہا کہ تحریک انصاف فارن فنڈنگ کیس سے بچنے کے لیے الیکشن کمیشن پر دباؤ ڈال رہی ہے۔

انہوں نے کہا کہ عمران خان خود چیف الیکشن کمشنر کی تعریف کیا کرتے تھے، تحفظات کے باوجود پیپلز پارٹی الیکشن کمیشن کے ساتھ کھڑی ہے۔

دوسری طرف وفاقی وزیر احسن اقبال نے الیکشن کمیشن سے مطالبہ کیا ہے کہ پی ٹی آئی ممنوعہ فنڈنگ کیس کا فیصلہ فوری طور پر سنایا جائے۔