وزیر قانون اعظم نذیر تارڑ کا عمران خان کے بیان پر جواب

وفاقی وزیر قانون اعظم نذیر تارڑ نے سابق وزیراعظم عمران خان کے بیان پر جواب دیا ہے۔

اسلام آباد سے جاری بیان میں اعظم نذیر تارڑ نے کہا کہ ن لیگ نے اگر انتقام کا نشانہ بنانا ہوتا تو ساری پی ٹی آئی قیادت جیل میں ہوتی۔

عمران خان نے شہباز گل کے بیانیے کی تائید کردی، رانا ثناء اللّٰہ

وفاقی وزیر داخلہ رانا ثناء اللّٰہ نے کہا ہے کہ عمران خان نے آج شہباز گل کے بیانیے کی تائید کی ہے، فوج کی کمانڈ کے خلاف بیان پر کمپرومائز نہیں ہوسکتا۔

انہوں نے عمران خان کے بیان پر استفسار کیا کہ اگر یہ انتقام کا نشانہ بنانا ہے تو پھر جب انکوائری کھلنی ہے، تب کیا ہونا ہے؟

وزیر قانون نے مزید کہا کہ بلوچستان میں ہیلی کاپٹر حادثہ بہت بڑا سانحہ تھا، ہیلی کاپٹر سانحہ کو بنیاد بنا کر باتیں کی گئیں اور چیزوں کو ٹوئسٹ کیا گیا۔

اُن کا کہنا تھا کہ آئین نے اظہار رائے کی آزادی کی حدود مقرر کی ہیں، ہمیں اُن حدود کا خیال کرنا چاہیے۔

اعظم نذیر تارڑ نے یہ بھی کہا کہ جیسی زبان استعمال کرکے ایک ادارے پر چڑھائی کی گئی، وہ سب کے سامنے ہے۔

انہوں نے کہا کہ اگر ریاست نے پھر بھی ردعمل نہیں دینا تھا تو قوانین کا کوئی فائدہ نہیں تھا۔