امریکی کانگریس کے وفد کا غیر اعلانیہ دورہ تائیوان

امریکی کانگریس کا وفد غیر اعلانیہ طور پر دورہ تائیوان پر پہنچ گیا۔ خبر ایجنسی نے تائیوانی وزارت خارجہ کے حوالے سے بتایا کہ امریکی کانگریس کا 5 رکنی وفد آج 2 روزہ دورے پر تائیوان پہنچا۔ 

امریکی حکام کے مطابق تائیوانی حکام سے ملاقات میں امریکا تائیوان تعلقات اور علاقائی سلامتی پر بات ہوگی۔

امریکی وفد اور تائیوانی حکام دوطرفہ تجارت اور سرمایہ کاری پر بھی بات کریں گے۔ 

خیال رہے کہ امریکی ایوان نمائندگان کی اسپیکر نینسی پلوسی نے 2 اگست کو تائیوان کا دورہ کیا تھا۔

چین نے امریکی اسپیکر نینسی پلوسی کے دورہ تائیوان کی شدید مذمت کی تھی۔