پی ٹی آئی قیادت کا شہبازگِل سے جیل میں ملاقات کا فیصلہ

پاکستان تحریکِ انصاف (پی ٹی آئی) کی قیادت نے جیل میں قید رہنما شہباز گِل سے ملاقات کرنے کا فیصلہ کر لیا۔

تحریک انصاف کے 3 وفود الگ الگ شہباز گِل سے اڈیالہ جیل میں ملاقات کریں گے۔

پہلا وفد پی ٹی آئی اسلام آباد کے صدر علی اعوان کی قیادت میں اڈیالہ جیل جا کر شہباز گِل سے ملے گا۔

شہباز گِل کے مزید جسمانی ریمانڈ کی درخواست پر نوٹس جاری

اسلام آباد ہائی کورٹ نے اداروں میں بغاوت پر اکسانے کے الزام میں گرفتار پی ٹی آئی رہنما شہباز گِل کے جسمانی ریمانڈ کی استدعا مسترد ہونے کے خلاف درخواست پر نوٹس جاری کر دیا۔

قومی اسمبلی میں پی ٹی آئی کے سابق چیف وہپ عامر ڈوگر شہباز گِل سے ملنے والے دوسرے وفد کی قیادت کریں گے۔

سینیٹ میں قائدِ حزبِ اختلاف شہزاد وسیم کی قیادت میں تیسرا وفد شہباز گِل سے جیل میں ملاقات کرے گا۔

شہباز گل سے ملاقات کے بعد تینوں وفود پارٹی قیادت کو اپنے تاثرات سے آگاہ کریں گے۔