جلد بیٹے کے قتل کی سازش کرنے والوں کو بےنقاب کروں گا، والد سدھو موسے والا

آنجہانی بھارتی گلوکار سدھو موسے والا کے والد نے کہا ہے کہ وہ جلد اپنے بیٹے کے قتل کی سازش کرنے والوں کو بے نقاب کریں گے۔ 

ایک جلسے میں خطاب کے دوران سدھو موسے والا کے والد نے کہا کہ میرا بیٹا یہ اندازہ ہی نہیں لگا سکا کہ جو اس کے بھائی ہونے کا دعویٰ کر رہے ہیں وہ اس کے دشمن بن گئے۔ 

سدھو موسے والا کے قتل کے بعد کی ایک اور ویڈیو سامنے آگئی

ویڈیو کے مطابق سدھو موسے والا کے قاتلوں کے ہاتھوں میں اسلحہ بھی دیکھا جاسکتا ہے، جسے لہراتے ہوئے وہ مزے کے ساتھ گاڑی میں گانے سنتے ہوئے جارہے ہیں۔

خیال رہے کہ رواں برس 29 مئی کو شبھ دیپ سنگھ سدھو عرف سدھو موسے والا کو بھارتی ریاست پنجاب کے ضلع منسا میں قتل کردیا گیا تھا۔ 

ان کے قتل کی ذمہ داری کینیڈا کی تنظیم لارنس بشنوئی کے رکن گولدی برار نے قبول کرلی تھی۔ 

بتایا جاتا ہے کہ ان کے قتل میں ملوث 6 ملزمان میں سے دو مارے جاچکے ہیں جبکہ 3 کو گرفتار کرلیا گیا ہے اور ان میں سے ایک اب بھی مفرور ہے۔ 

 سدھو کے والد بالکور کا کہنا تھا کہ کچھ غدار میرے بیٹے کے کیریئر کے دشمن بن گئے تھے۔ 

سدھو موسے والا کو 19 گولیاں لگیں، 15 منٹ میں ہی دم توڑ گئے: پوسٹ مارٹم رپورٹ

بھارتی پنجابی گلوکار شبھ دیپ سنگھ سدھو عرف سدھو موسے والا کی پوسٹ مارٹم رپورٹ میں بتایا گیا ہے کہ انہیں 19 گولیاں لگیں اور وہ زخمی ہونے کے بعد 15 منٹ کے اندر ہی دم توڑ گئے۔

ان کا مزید کہنا تھا کہ بدقسمتی سے کیریئر کے ابتدا میں ان سے جو لوگ جڑ گئے تھے وہ درست لوگ نہیں تھے۔

انہوں نے مزید کہا کہ سدھو کو اس بات کا اندازہ ہی نہیں ہوا تھا کہ جن لوگوں کو وہ اپنا بھائی سمجھ رہا ہے وہی کل اس کے دشمن بن جائیں گے۔ 

آنجہانی گلوکار کے والد نے کہا کہ ’اپنے بیٹے کے قتل میں ملوث ان افراد کے بھی نام لوں گا، بس وقت آنے دیں، یہ کچھ ہی دنوں کی بات ہے، میں یہ واضح کردوں گا کہ آخر کون سدھو کے قتل میں ملوث تھا۔‘