ملک میں آج فی تولہ سونا ساڑھے 5 ہزار روپے مہنگا ہوگیا

ملک میں آج سونے کی فی تولہ قیمت میں ساڑھے 5 ہزار روپے کا اضافہ ہوا ہے۔ 

پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں ایک تولہ سونے کا دام ایک لاکھ 45 ہزار 400 روپے ہوگیا ہے۔

خیال رہے کہ گزشتہ روز سونے کی فی تولہ قیمت میں 5700 روپے کا اضافہ ہوا تھا۔ 

اسی طرح آج 10 گرام سونے کا بھاؤ 4 ہزار 715 روپے اضافے سے ایک لاکھ 24 ہزار 657 روپے ہے۔

صرافہ ایسوسی ایشن کے مطابق عالمی صرافہ میں سونے کا بھاؤ 8 ڈالر کم ہو کر ایک ہزار 759 ڈالر ہے۔