کراچی(اسٹاف رپورٹر) سکھر اور کراچی ریجن نے آل سندھ انٹرریجن ویمن ہاکی ٹورنامنٹ کے فائنل میں رسائی حاصل کرلی ہے، فائنل ہفتہ کو شام پانچ بجے کھیلا جائیگا، جمعہ کو سیمی فائنل میںسکھر ریجن نے میرپورخاص ریجن کو پینالٹی شوٹ آئوٹ پر 2-3 سے شکست دیدی۔ مقررہ وقت میں دونوں ٹیموں کے مابین مقابلہ 1-1 گول سے برابر تھا۔ دوسرے سیمی فائنل میں میزبان تہمینہ کے فیصلہ کن گول کی بدولت کراچی ریجن نے بینظیر آباد کو ایک گول سے زیر کیا۔ کراچی ٹیم کی آفیشلز نے دو اہم کھلاڑیوں سمیرہ مسیح اور عفت بتول کو سیمی فائنل کی اطلاع ہی نہیں دی جس کی وجہ سے وہ اہم مقابلے میں شرکت نہ کرسکیں۔
فرمان الہی
نماز کے اوقات
