ملیر ندی میں ڈوبنے والی فیملی کے سربراہ کے بھانجے محمد دانش نے بتایا ہے کہ ماموں نے ڈرائیور کو لنک روڈ استعمال کرنے سے منع کیا تھا۔

’جیو نیوز‘ سے گفتگو کرتے ہوئے انہوں نے کہا ہے کہ میرے ماموں شادی میں شرکت کے بعد واپس حیدر آباد جا رہے تھے۔

محمد دانش نے بتایا کہ بارش کے باعث ان لوگوں نے لنک روڈ کا استعمال کیا، پانی کا بہاؤ تیز ہونے کی وجہ سے گاڑی ڈوب گئی۔

انہوں نے یہ بھی بتایا کہ گاڑی میں ڈرائیور کے علاوہ ماموں، ممانی اور 4 بچے سوار تھے، پانی کے تیز بہاؤ سے گاڑی ندی میں کافی دور چلی گئی تھی۔

ڈوبنے والی گاڑی پتھر سے باندھ دی: سعد ایدھی

کراچی: ملیر ندی میں بہنے والی گاڑی مل گئی، سوار 7 افراد کا پتہ نہیں

کراچی کے علاقے ملیر میں ایم نائن لنک روڈ پر گزشتہ شام سیلابی ریلے میں بہہ جانے والی کار آج صبح پانی کا لیول کم ہونے پر 2 کلومیٹر دور سے مل گئی۔

ادھر ایدھی فاؤنڈیشن کے سربراہ فیصل ایدھی کے صاحبزادے سعد ایدھی کا کہنا ہے کہ ڈوبنے والی مذکورہ گاڑی کو ملیر ندی میں پتھر کے ساتھ باندھ دیا گیا ہے تاکہ وہ بہہ کر آگے نہ چلی جائے۔

انہوں نے مزید بتایا کہ مذکورہ گاڑی کو ہیوی مشینری کی مدد سے ملیر ندی سے نکالا جا سکتا ہے۔

سعد ایدھی کا یہ بھی کہناہے کہ گزشتہ رات ملیر ندی میں ڈوبنے والے افراد کو تلاش کر رہے ہیں۔

گاڑی گزشتہ شام ندی میں بہہ گئی تھی

کراچی: ملیر ندی میں بہنے والے شخص کو بچا لیا گیا

کراچی کی ملیر ندی میں ڈملوٹی کے قریب ندی پار کرنے کی کوشش میں ایک شخص بہہ گیا، تاہم مذکورہ شخص کو مقامی افراد نے اپنی مدد آپ کے تحت ڈوبنے سے بچا لیا۔

واضح رہے کہ کراچی کے علاقے ملیر میں ایم نائن لنک روڈ پر گزشتہ شام سیلابی ریلے میں بہہ جانے والی کار آج صبح پانی کا لیول کم ہونے پر 2 کلومیٹر دور سے مل گئی۔

کار میں سوار افراد کا دوپہر تک سراغ نہیں ملا تھا تاہم اب ایک بچے کی لاش مل گئی ہے جبکہ میاں بیوی، ان کے 3 بچوں اور گاڑی کے ڈرائیور کی تلاش جاری ہے۔

سینئر سپرنٹنڈنٹ پولیس ملیر عرفان علی بہادر کے مطابق واقعے کے بعد سے ڈپٹی کمشنر ملیر کی نگرانی میں ریسکیو آپریشن جاری ہے۔