فرمان الہی
نماز کے اوقات
بالی ووڈ کی کئی ہٹ فلموں میں یادگار پرفارمنس کا مظاہرہ کرنے والے اداکار نواز الدین صدیقی ایک مرتبہ پھر فلم بینوں کو حیران کرنے کے لیے ایک نئے روپ میں سامنے آئے ہیں۔
اس حوالے سے ان کی آئندہ آنے والی فلم ’ہڈی‘ جو کہ ایک انتقامی ڈرامہ پر مبنی کرائم اسٹوری ہے، اس کے پوسٹر میں انہیں کوئی پہنچان نہ سکا۔ اس کی وجہ یہ ہے کہ انہیں اس میں ایک خاتون کے روپ میں پیش کیا گیا ہے۔
منگل کو ایک معروف بھارتی فلمی اسٹوڈیو کی جانب سے نواز الدین صدیقی کا موشن پوسٹر جاری کیا گیا ہے، جو ہر ایک کی توجہ اپنی جانب مبذول کروا رہا ہے۔
حقیقت یہ ہے کہ کوئی بھی اس پوسٹر کو دیکھ کر اسے نواز الدین صدیقی تسلیم نہیں کرے گا۔ فلم ہڈی آئندہ برس یعنی 2023 میں ریلیز ہوگی۔
اس حوالے سے نواز الدین صدیقی کا کہنا تھا کہ ویسے تو انہوں نے اپنے کیریئر کے دوران متعدد کردار ادا کیے ہیں لیکن ہڈی میں ایک منفرد انداز میں پیش کیا گیا ہے جو کہ اس سے قبل کبھی نہیں کیا، اس سے بطور اداکار مجھے مزید تجربہ حاصل ہوگا۔
فلم کے لکھاری اور ہدایتکار اکشٹ اجے شرما نے کہا کہ فلم ہڈی کے ذریعے مجھے موقع ملا ہے کہ میں نواز الدین صدیقی کے ساتھ کام کروں، ہماری ٹیم کو امید ہے کہ یہ موشن پوسٹر لوگوں کو بڑے پیمانے پر اپنی جانب متوجہ کرے گا۔
