انگلینڈ کیخلاف پہلے ٹی ٹوئنٹی کی گیٹ منی سیلاب فنڈ میں عطیہ کرنے کا اعلان

پاکستان کرکٹ بورڈ (پی سی بی) نے انگلینڈ کے خلاف پہلے ٹی ٹوئنٹی میچ کی گیٹ منی پرائم منسٹر فلڈ ریلیف فنڈ میں عطیہ کرنے کا اعلان کردیا۔

پاکستان کرکٹ بورڈ نے اعلان کیا ہے کہ انگلینڈ کے خلاف کراچی میں شیڈول پہلے ٹی ٹوئنٹی انٹرنیشنل میچ کی گیٹ منی پرائم منسٹر فلڈ ریلیف فنڈ 2022 میں جمع کروائی جائے گی۔

خیال رہے کہ دونوں ٹیموں کے مابین سیریز کا پہلا میچ 20 ستمبر کو نیشنل اسٹیڈیم کراچی میں کھیلا جائے گا۔

اعلامیے میں کہا گیا کہ پی سی بی کراچی میں موجود شائقین کرکٹ سے درخواست کرتا ہے کہ وہ اس میچ کے لیے بڑی تعداد میں اسٹیڈیم کا رُخ کریں تاکہ سیلاب زدگان کی امداد کی جاسکے۔

 اس سیریز کے لیے ٹکٹوں کی آن لائن فروخت آئندہ ہفتے سے شروع ہوگی۔