اسلام آباد( ایجنسیاں )’’ کاشتکاروں پر سب کچھ لٹا دیا، قریشی صاحب آپ بھی تالی بجا دیں، یہاں بڑے کاشتکار اور فیوڈلز موجود ہیں‘‘۔ یہ بات وفاقی وزیرخزانہ اسحاق ڈار نے قومی اسمبلی میں بجٹ تقریر کے دوران تحریک انصاف کے رہنما شاہ محمود قریشی کو مخاطب کرتے ہوئے کہی۔ اسحاق ڈار نے کاشتکاروں اور زمین داروں کیلئے نئے بجٹ میں مراعات کا اعلان کرتے ہوئے ایک موقع پر شاہ محمود قریشی کو مخاطب کرتے ہوئے کہاکہ آج کاشتکاروں کا دن ہے ہم نے سب کچھ کاشتکاروں پر لوٹا دیا ہے ۔ آپ بھی بڑے کاشتکار ہیں اس ایوان میں بڑے جاگیردار اور فیوڈلز بیٹھے ہوئے ہیں آپ بھی تو تالیاں بجا دیں جس پر حکومت کے ساتھ ساتھ اپوزیشن بنچوں پر بیٹھے ارکان اسمبلی نے بھی تالیاں بجائیں اور ایوان قہقہوں سے گونج اٹھا۔
فرمان الہی
نماز کے اوقات
