نیشنل الیکٹرک پاور ریگولیٹری اتھارٹی (نیپرا) کا کہنا ہے کہ سہ ماہی ایڈجسٹمنٹ کے ذریعے فی یونٹ بجلی 3 روپے 39 پیسے تک مہنگی ہو گی۔

نیپرا میں بجلی کی تقسیم کار کمپنیوں کی سہ ماہی ایڈجسٹمنٹ کی درخواست پر چیئرمین نیپرا توصیف ایچ فاروقی کی زیرِ صدارت سماعت ہوئی۔

بجلی کی تقسیم کار کمپنیوں کی جانب سے گزشتہ مالی سال کی آخری سہ ماہی ایڈجسٹمنٹ کے لیے درخواست دی گئی تھی۔

اپنا بجلی کابل دیکھ کر میں بھی چونک جاتا ہوں، چیئرمین نیپرا

نیپرا نے نومبر کی فیول پرائس ایڈجسٹمنٹ کی درخواست پر سماعت مکمل کر لی، فی یونٹ بجلی 4روپے 33پیسے تک مہنگی ہو سکتی ہے حتمی فیصلہ بعد میں آئے گا ، چیئر مین نیپرا توصیف ایچ فاروقی کہتےہیں کہ اپنا بجلی بل دیکھ کر تو وہ بھی چونک جاتے ہیں۔

بجلی کی تقسیم کار کمپنیوں نے سہ ماہی ایڈجسٹمنٹ میں 95 ارب 14 کروڑ روپے کا اضافہ مانگا تھا۔

دورانِ سماعت اتھارٹی کو بریفنگ میں بتایا گیا ہے کہ سہ ماہی کے دوران ڈالر 200 روپے تک جانے کا تخمینہ تھا،جو سہ ماہی کے دوران 240 روپے تک بھی گیا۔

نیپرا کے حکام نے بتایا کہ سہ ماہی کے دوران کیپیسٹی پرچیز پرائس 55 ارب روپے تک پہنچ گئی۔

وائس چیئرمین نیپرا نے کہا کہ بجلی کی تقسیم کار کمپنیوں کو جرمانے کرتے ہیں تو وہ عدالتوں میں چلی جاتی ہیں۔

سماعت مکمل ہونے پر نیپرا حکام نے بتایا کہ سہ ماہی ایڈجسٹمنٹ کے ذریعے فی یونٹ بجلی 3 روپے 39 پیسے تک مہنگی ہو گی، یہ اضافہ اکتوبر سے دسمبر تک ہر ماہ 3 روپے 39 پیسے فی یونٹ وصول ہو گا، سہ ماہی ایڈجسٹمنٹ کا حتمی تفصیلی فیصلہ جانچ پڑتال کے بعد جاری ہو گا۔

ایڈجسٹمنٹ کا اطلاق کے الیکٹرک پر نہیں ہو گا

نیپرا حکام نے یہ بھی بتایا کہ اس سہ ماہی ایڈجسٹمنٹ کا اطلاق کے الیکٹرک پر نہیں ہو گا۔

نیپرا نے بجلی کی قیمت میں اضافے کی منظوری دے دی

عوام کو بجلی کا زور دار جھٹکا مل گیا، نیپرا نے اپریل کے لیے فیول ایڈجسٹمنٹ کی مد میں بجلی کی قیمت میں 3 روپے 99 پیسے فی یونٹ اضافے کی منظوری دے دی۔

چیئرمین نیپرا توصیف ایچ فاروقی نے کہا کہ اس سہ ماہی کی وصولی شروع ہو گی تو پرانی ایڈجسٹمنٹس کی وصولیاں ختم ہو جائیں گی۔

انہوں نے مزید کہا کہ اس وقت 3 روپے 20 پیسے فی یونٹ کی پچھلی ایڈجسٹمنٹس وصول کی جا رہی ہیں۔

چیئرمین نیپرا توصیف ایچ فاروقی نے یہ بھی کہا کہ اس طرح سہ ماہی ایڈجسٹمنٹ کا مجموعی اثر 19پیسے فی یونٹ رہ جائے گا۔