میری آواز سن کر اسپتال میں راجو نے آنکھ کھولی تھی، امیتابھ بچن

بالی ووڈ کے سینئر اداکار امیتابھ بچن نے کامیڈین راجو شری واستو کو خراج عقیدت پیش کیا ہے۔

بھارتی میڈیا کے مطابق امیتابھ بچن نے راجو شری واستو کے لئے اپنے بلاگ پر تعزیتی پیغام لکھا جس میں انہوں نے آنجہانی اداکار و کامیڈین کے لئے لکھا کہ ایک ساتھی، دوست اور فنکار ہمیں چھوڑ کر چلا گیا۔ ان کا کام ہمارے ساتھ رہے گا جو کہ منفرد اور مزاحیہ تھا۔

اپنے بلاگ میں امیتابھ بچن نے شیئر کیا کہ انہوں نے علاج میں مدد کے لئے راجو شری واستو کے اہل خانہ کو وائس نوٹ بھیجا تھا۔

بھارتی کامیڈین راجو شری واستو 58 سال کی عمر میں چل بسے

بھارتی کامیڈین و اداکار راجو شری واستو 58 سال کی عمر میں چل بسے۔

امیتابھ بچن نے بتایا کہ میرے وائس نوٹس راجو شری واستو کو علاج کے دوران سنائے گئے جس پر ایک مرتبہ اس نے اپنی آنکھ تھوڑی سی کھولی تھی۔

امیتابھ بچن کے علاوہ بالی ووڈ کے دیگر اداکاروں نے بھی راجو شری واستو کی موت پر غم اور افسوس کا اظہار کیا ہے۔

راجو شری واستو موت سے پہلے کیا کرنا چاہتے تھے؟

بھارتی میڈیا کا کہنا ہے کہ راجو شری واستو جس وجہ سے مشہور تھے وہ اپنی زندگی میں آگے بھی اسی طرح لوگوں کے چہروں پر مسکراہٹیں بکھیرنا جاری رکھنا چاہتے تھے۔

یاد رہے کہ 10 اگست کو راجو شری واستو کو ہارٹ اٹیک ہونے پر اسپتال منتقل کیا گیا تھا جہاں وہ 41 دن زیر علاج رہنے کے بعد 21 ستمبر کو 58 سال کی عمر میں انتقال کر گئے تھے۔