امریکا کا افغانستان کیلئے 327 ملین ڈالر کی اضافی امداد کا اعلان

امریکا نے افغانستان میں انسانی امدادی سرگرمیوں کے لیے 32 کروڑ 70 لاکھ ڈالر کی اضافی امداد کا اعلان کیا ہے۔

امریکی وزیر خارجہ انٹونی بلنکن کا کہنا ہے کہ امریکا افغانستان کو 327 ملین ڈالر کی اضافی امداد دے گا۔

ان کا کہنا تھا کہ امریکا افغانستان میں انسانی امدادی سرگرمیوں کی مد میں اضافی امداد دے رہا ہے، افغانستان اور اس کے پڑوسی ممالک میں عالمی امدادی تنظیموں کے ذریعے انسانی امدادی سرگرمیوں کے لیے امریکی امداد کا سلسلہ جاری رکھیں گے۔