پاک انگلینڈ میچ کا جعلی ٹکٹ بیچنے والا شخص گرفتار

کراچی کے نیشنل اسٹیڈیم میں پاکستان اور انگلینڈ کے مابین ٹی 20 سیریز کے چوتھے میچ کے موقع پر شائقین کو جعلی ٹکٹ فروخت کرنے والے ملزم کو پولیس نے گرفتار کر لیا۔

ڈپٹی انسپکٹر جنرل (ڈی آئی جی) پولیس ایسٹ مقدس حیدر کے مطابق انگلینڈ اور پاکستان کے مابین ٹی 20 سیریز کے چوتھے میچ کے دوران نیشنل اسٹیڈیم کے گیٹ پر درجن سے زائد ایسے شائقین آئے، جن کے پاس ٹکٹ جعلی تھے۔

قومی ٹیم کا 200واں ٹی 20، کھلاڑیوں نے جذبات بتادیے

قومی کرکٹ ٹیم کے 200 ٹی 20 میچز کے موقع پر قومی ٹیم سے وابستہ کھلاڑیوں نے اپنے جذبات کا اظہار کیا ہے۔

ان افراد کو حراست میں لے کر پوچھ گچھ کی گئی تو نیشنل اسٹیڈیم کے قریب ہی ایک ایسے شخص کی نشاندہی ہوئی، جو ٹکٹ بیچ رہا تھا۔

مقدس حیدر کے مطابق ملزم سودھیش رضا کو فوری طور پر گرفتار کر لیا گیا ہے، جس سے نیشنل اسٹیڈیم میں جاری ٹی ٹوئنٹی سیریز کے چوتھے میچ کے 19 جعلی ٹکٹ برآمد ہوئے۔

عزیز بھٹی تھانے کے ایس ایچ او عدیل افضال کے مطابق ملزم سودھیش رضا کے خلاف تعزیراتِ پاکستان کی دفعہ 420 کے تحت ایف آئی آر نمبر 206 درج کرلی گئی ہے جبکہ جعلی ٹکٹ رکھنے والے شائقین کو پوچھ گچھ کے بعد چھوڑ دیا گیا۔