مہسا امینی کی ہلاکت کے خلاف ایرانی بہنوں کا انقلابی گانا گا کر احتجاج

ایران میں 22 سالہ لڑکی مہسا امینی کی ہلاکت کے خلاف ایرانی بہنوں نے احتجاجاً انقلابی اطالوی لوک گیت کا فارسی ورژن گایا جسے انٹرنیٹ پر سراہا جارہا ہے۔

ایران کے شہر رشت سے تعلق رکھنے والی بہنوں نے گانے’Bella Ciao‘ کی ویڈیو انسٹاگرام پر اسی دن پوسٹ کی جس دن مہسا امینی ہلاک ہوئی۔

بیلا حدید کی ایران میں لڑکی کی ہلاکت کے واقعے کی مذمت

فلسطینی نژاد امریکی سُپر ماڈل بیلا حدید نے ایران میں حجاب نہ کرنے پر لڑکی کی ہلاکت ہونے کے واقعے کی مذمت کی ہے۔

انہوں نے اپنی ویڈیو کے ساتھ لکھا تھا کہ ہم کل تک جاگنے والے نہیں۔ ویڈیو کو اب تک 50 لاکھ سے زائد بار دیکھا جاچکا ہے جبکہ اسے 2 لاکھ سے زائد بار لائک بھی کیا گیا۔

رپورٹس کے مطابق یہ اطالوی لوک گیت 19ویں صدی کے دوران کافی مشہور ہوا تھا۔

دوسری جانب ایران میں 22 سالہ مہسا امینی کی ہلاکت پر 10 روز سے جاری احتجاجی مظاہرے ملک کے 40 شہروں میں پھیل گئے ہیں۔

ایران: احتجاجی مظاہرے 40 شہروں میں پھیل گئے

ایران میں 22 سالہ مہسا امینی کی ہلاکت پر 10 روز سے جاری احتجاجی مظاہرے ملک کے 40 شہروں میں پھیل گئے ہیں۔

مظاہرین کے خلاف سیکیورٹی فورسز کے کریک ڈاؤن میں ہلاکتوں کی تعداد 76 ہوگئی ہے جبکہ 17 صحافیوں سمیت کم از کم 1200 افراد گرفتار کیے جا چکے ہیں۔